په انقره کې د افغانستان  اسلامي جمهوریت سفارت په ترکیه کې خپلو ګرانو هیوادوالو ته خبر ورکوي چې دوی اوس کولای شي پرته له دې چې وکیل وګماري او یا هم فیس ورکړي،  د افغانستان اسلامي جمهوریت د احصائیې او معالوماتو د ادارې د آنلاین فورمونو په کارولو سره لاندې خدمتونه ترلاسه کړي:

- د نوې تذکرې ترلاسه کول

- د مثنی تذکرې ترلاسه کول

- د تذکرې  تایید

- د تخلص لیکل

- د عکس نصبول

- د زېږېدلو د ځای اصلاح

- د نوم اصلاح

- د سن اصلاح

دا فورمونه به وروسته له هغې چې د غوښتونکو لخوا ډګ شول، په آنلاین بڼه د افغانستان اسلامي جمهوریت د احصایې او معلوماتو ملي ادارې ته واستول شي.

غوښتونکي، وروسته له هغې چې د احصایې او معلوماتو ملي ادارې لخوا یې د تذکرې تایید ترلاسه کړ د هغې د کاپي په درلودلو سره کولای شي په انقره کې د افغانستان  اسلامي جمهوریت سفارت یا په استانبول کې د افغانستان اسلامي جمهوریت جنرال قونسلګرۍ ته مراجعه وکړی تر څو اړوند اقدامات ترسره شي.

تاسو کولای شئ اړونده فورمې د لاندې لینک له لارې ترلاسه کړئ.

د فورمونو په ډکولو کې دقت وکړئ.

https://www.econsulate.nsia.gov.af